Super-innbytter Jørn avgjorde: A-laget 3-0 over Harøy

26 april 2016
Skrevet av:

Veteranen Jørn Helge Heggelund stod fram som superinnbytter då A-laget vann 3-0 over Harøy i serieåpninga heime mandag. Jørn, som i tillegg til å vere ein målsnik også er oppmann og materialforvalter og gjer ein kjempejobb for A-laget, var så vidt komt på banen kvarteret før slutt då han på typisk Jørn-vis kriga inn 2-0.
Nokre minutt seinare avgjorde han kampen etter eit nydeleg angrep. Tomas Skaar Vadset, også han just komt på banen, fann løpsmaskinen Nikolas Fjørtoft med ein fin stikkar, Niko fossa til linja og la ut til Jørn som dunka inn 3-0.
Kampen var lenge spennande, men ikkje særleg velspelt frå Ravns side. Vi fekk ikkje fart nok på ballen og valde ofte vanskelege løysinger i 1.omgang. Nærast scoring var Thomas Bjørlykhaug med ein suser i tverrliggaren. Målet kom mot slutten av omgangen då kaptein Øyvind Farstad var framme på ein dødball og scora frå kort hald.
Etter pause fekk vi periodevis spelet til å gli betre, men det vart berre nesten før Jørn kom inn og avgjorde.
Kampens gode dommar Niklas Bertil Spets delte ut tre gule til gjestane.
Neste kamp er borte mot Rollon2 måndag.

5-måls-Mathias i 9-0 siger

13 april 2016
Skrevet av:

Mathias Vatneødegård gjorde fem mål da Ravn slo Fiksdal/Rekdal 9-0 på heimebane tirsdag.

Det rutinerte gjestelaget hang nokonlunde med i 1.omgang, samt at litt upresise avslutninger frå Ravn gjorde at det stod 2-0 ved pause.

Thomas Skaar Vadset skrudde inn ein corner med sin presise høgrefot, og hadde også ein suser i stanga.

Storebror Even Vatneødegård fekk ein liten smell og måtte gå ut midt i omgangen, inn kom småbror Mathias. Han brukte ikkje lenge på å sette inn 2-0 på elegant vis.

2.omgang vart einvegskøyring. Ravns midtbane greidde å halde oppe aggressiviteten i gjenvinningsfasen og fekk fart på ballen. Mathias gjorde fire nye mål, det vart eitt sjølvmål, og Mads Even Hatlehol og Stian Grytten Skogvoll kom også på scoringslista.

Måla kom etter gode  angrep, og Vidar Nilsen Rogne (16) hadde eit fint innhopp på venstrekanten, med fleire gode innlegg og to målgivande.

Dette var truleg siste treningskampen for A-laget før serieåpninga heime 25. april mot Harøy.

A-laget 2-0 over Skodje

08 april 2016
Skrevet av:

ThomasBjørlykhaug

Thomas Bjørlykhaug brukte under eit minutt på å sende Ravn i leiinga på Skodje torsdag. På det fine overlegget frå Nikolas Fjørtoft sende Thomas ein skrudd suser i krysset frå 20 meter.

Ei kjempescoring og pangopning for Ravn mot naboen som spelar to divisjoner over.

 

Utover i den jamnspelte omgangen sleit Ravn litt med Skodje sine raske vendinger av spelet og lange baller i bakrom til kjappe spisser, men eit hardtarbeidande forsvar med stopparduoen Farstad/Brusdal i spissen spelte rutinert og kontant. Framover var raske Nikolas på farten og plaga Skodjeforsvaret  konstant med sin store fart og aggressive spelestil. Han spelte nydeleg igjennom til Knut Egil Lid midt i omgangen, men dessverre vart hans  perfekte avslutning annulert for offside. Meir enn tvilsamt..

 

Omgangens minus var at Skodjes storscorer Eivind Erstad vart skadd i armen etter ein hard cornerduell i Ravnfeltet  og køyrt til sjukehus for kontroll.

 

I andre omgang gjekk Knut  ned som ein ekstra midtbanemann og bidrog sterkt til at Ravn hadde taket på kampen. Vi fekk fleire store sjanser på overganger og gode angrep, og 2-0 målet midt i omgangen var ein nytelse. Mathias Vatneødegård sende eit finurleg gjennomspel som Andrè Larsen lobba elegant over keeper.

 

Før sesongen stor Ravn utan keeper, men unge Andreas Eik  har gjort comeback og løyst problemet. Han stod ein prikkfri kamp, og då Skodje fekk sin største sjanse mot slutten, låg kraftkaren som ei strykereim og slo headinga med retning vinkelen til corner.

 

–        Ein bra 1. omgang, ypperleg 2.omgang og ein jamnt solid laginnsats var sjefstrener Jan Even Hatlehols kommentar etter kampen.

Dommerkurs

04 april 2016
Skrevet av:
Fotballdommer
Dommer kurs for alle fra 13 år og opp.
12. april kl. 18 på Eidet kulturhall.
Oppfordrer flest mulig å delta.
Påmelding snarest til dommeransvarlig;
Rune Vestre
Tlf-: 92619105
Epost: rune.vestre@hotmail.com
FairPlay

J19 NM-kvalik: Ravn-Hødd 9-3 (6-2).

01 april 2016
Skrevet av:

Ravn-Hødd
Mål: Fride 2, Ingrid 2, Adela, Tuva, Hanne, Marit, Sonja.
Dommar: Oddbjørn Hatlehol, Brattvåg IL.
Kraftig snøbyge før kampstart gjorde at Tore Vadset måtte rydde bane og kampen kom i gang 10 minutt for seint. Men da fekk vi og flotte speleforhold. Det pass Høddarane fint som kom litt seint til stadion pga fergetrøbbel. Og det passa nok også den delen av publikum som kom nokre minutt etter planlagt kampstart. For her var det full action frå start. Ravn tok grep umiddelbart og gjorde 1-0 etter 2 minutt med eit hardt frispark frå Adela som gjekk mellom hendene på keeper. Hødd slo kjapt tilbake etter 5 minutt på ein rask overgang ved Ine Sleipnes. Etter 12 minutt er det Tuva som skårer eit fint mål etter innlegg fra Marit. Men igjen kjem Hødd på ein kjapp overgang og igjen er det Ine Sleipnes som skårar. 2-2 og like langt. Etter 18 minutt er vi igjen i førarsetet når Hanne K Hofseth er på rett plass og set inn 3-2 på ein corner. Vi trur dette var Hanne si aller første skåring i 11er-fotball og vi gratulerer! Etter 21 minutt er det Marit som er på rett plass og gjer 4-2, også etter ein corner. No har vi festa grepet, og når Ingrid knaller inn 5-2 på frispark i det 27. minutt er det ikkje lenger tvil. 2 minutt seinare gjer Fride det som vi så ofte har sett, vinn ballen frå forsvaret, sett på turboen og skårar, dermed 6-2.
Det står seg til pause.
I 2. omgang åpnar Hødd best. Ravnjentene står med hoftefeste og trur alt er avgjort. Ine Sleipnes er ikkje tung å be, og skårar sitt 3. mål for dagen 2 minutt ut i 2. omgang. Dermed 6-3. 5 minutt seinare er vi på farten igjen og Sonja får eit innlegg som ho kontrollert skårar på. 7-3. Ho er dermed vår 7. målskårer for dagen! No kjem det ei periode på 20 minutt der det ikkje skjer so mykje. Etter halvtimen køyrer vi ei flott kontring som endar med at Fride får ballen og skårar sitt 2. for dagen. 10 minutt før slutt lavar snøen ned igjen og speleforholda bli så som så dei siste minutta. Rett før slutt er det Ingrid som blir tomålsskårar etter skudd frå 16-metersstreken. Greit gjennomført kamp av Ravn som var hakket bedre enn Hødd i det meste. Neste torsdag er det Blindheim som kjem på besøk på Ravn Stadion, før vi avsluttar kvaliken torsdagen etter borte mot Herd. Blindheim slo i går Spjelkavik 9-0, og dei blir heilt klart ei hard nøtt å knekke.

IL Ravns klubbkolleksjon

30 mars 2016
Skrevet av:

Lenke til IL Ravns klubbkolleksjon

Hovedsponsor

Sparebanken Møre

Litt om IL Ravn

På ditt klubbhus på nett kan du orientere deg i eit aktivt idrettslag. Stoff til sidene (referat, artikler, bilder etc) kan sendes på epost til:
admin@il-ravn.no

Kommentarer

Arkiv