IL Ravn Arkiv

J16 tok bronse i futsal-KM

20 januar 2015
Skrevet av:

J16 var søndag i Sykkylven og deltok i A-sluttspelet i futsal-KM.
I dei innleiande rundane som var før jul fekk laget full pott der
dei vann sine 4 kampar mot Stranda2, Spjelkavik, Ørsta og Blindheim1.
På søndag starta vi fint og vann kontrollert 3-1 mot Hødd. Les meir »

Felles G16 med Norborg

15 desember 2014
Skrevet av:

G16 vil i 2015 stille felles lag med Norborg. Dette laget blir då kalt Ravn/Norborg.

Felles juniorlag med Brattvåg

12 desember 2014
Skrevet av:

På herresida vil det i 2015 vere eit felles juniorlag med Brattvåg. Brattvåg vil administrere
laget og det offisielle navnet blir då Brattvåg/Ravn. Brattvåg si heimeside melder i dag at
Richard Tomren blir trenar for laget. Richard Tomren har nyleg lagt opp som spelar for alaget i Brattvåg.
For Ravn sin del vil dette bety at Ravningar i junioralder fortsatt kan stå som medlemmar i Ravn,
og vil då kunne spele for samarbeidslaget og for Ravn sitt alag. For Ravn sitt alag vil dette vere viktig.
Utfordringa blir sjølsagt som alltid i slike situasjonar at slitasjen på spelarane kan bli stor.
Men Ravngutane er jo vant til store treningsmengder, så dette bør kunne gå bra.

J16 vidare til a-sluttspelet i futsal-km

24 november 2014
Skrevet av:

J16 deltok i helga på futsal-km i Sykkylven. Dette var innleiande runder,
laget spelte brukbar futsal og tok seg til a-sluttspelet etter å ha slått
Stranda 2 3-1, Spjelkavik 1-0, Ørsta Dreamteam 4-0 og Blindheim 1 1-0.
I a-sluttspelet møter laget Hødd, Sykkylven, Hareid og Åheim Blå. Dei to
beste laga går til semifinale. Sykkylven er naturleg favoritt i pulja, og vi
trur at kampen om 2. plassen blir meir åpen, og at Ranvjentene skal ha sjans
til å kapre den. Men jamnt i utgangspunktet. I den andre pulja møtast
Guard, Blindheim 1, Blindheim 2, Brattvåg og Stranda 1. Her trur vi Guard
og Blindheim 2 er dei sterkaste laga, men Brattvåg og Stranda kan nok gi dei trøbbel.
Vi dristar oss til å spå at finalen vil gå mellom Sykkylven og Blindheim 2.

Info om Jubileumsfesten

19 november 2014
Skrevet av:

Til dei ca 150 som skal på Jubileumsfesten: Antrekk denne kvelden er fint. Arrangementet er rusfritt. Gjestane får servert ein forfriskning ved ankomst, så ein enkel, men smakfull middag og det blir kaffi med kaker til. Det blir høve til å gje ei gåve ved utgangen. Vi skal ikkje gå i detalj på programmet, men det vil by på mange overraskande og sjåverdige element. Bordsetet vil vere slutt ca 21-21.30. Det vil vere sal av Jubileumsboka. Ravn har betalingsterminal.

Jubileumsboka i handelen – årets julegåve sikra

18 november 2014
Skrevet av:
No til sals på Bok&Papir Brattvåg, Joker Vatne, Sparebanken Møre Vatne, Bunnpris Eidet, Coop Prix Eidet og Best/ Knutepunktet. Boka blir selt på Jubileumsfesten og på Idrettens dag søndag 23.11. Representantar for IL Ravn kjem rundt på dørene i området etter Jubileumsfesten. Bokkomite: Asbjørn Hatlehol, Oddvar Vatnehagen, Olav Skodje, Jan Farstad, Johan Kaare Tenfjord og Arnt Ove Tenfjord. IL Ravn hovudstyre: Per Chr. Breiset, Mette Gjelsten, Vebjørn Krogsæter, Stein Harsjøen, Arve Krogsethagen og AO Tenfjord.

No til sals på Bok&Papir Brattvåg, Joker Vatne, Sparebanken Møre Vatne, Bunnpris Eidet, Coop Prix Eidet og Best/ Knutepunktet. Boka blir selt på Jubileumsfesten og på Idrettens dag søndag 23.11. Representantar for IL Ravn kjem rundt på dørene i området etter Jubileumsfesten. Bokkomite: Asbjørn Hatlehol, Oddvar Vatnehagen, Olav Skodje, Jan Farstad, Johan Kaare Tenfjord og Arnt Ove Tenfjord. IL Ravn hovudstyre: Per Chr. Breiset, Mette Gjelsten, Vebjørn Krogsæter, Stein Harsjøen, Arve Krogsethagen og AO Tenfjord.

Klart for ei skikkeleg jubelhelg

18 november 2014
Skrevet av:

Pressemelding
IL Ravn markerer 100 år på fleire måtar. Dagen som står på fana er 26.11.1914.
Det byrjer med tenning av julelys fredag 21.11 kl 1800. Ta på deg hovudlykt og bli med. Laurdag er det «Grand Galla» for påmeldte gjestar og søndag 23. 11 er det idrettsmesse med mange aktivitetar og sjølvsagt utdeling av statuettar til alle våre unge fotballspelarar!

TENNING AV JULELYS Den aktive trimgruppa vår tenner eit flunkande nytt julelys som skal lyse i advents- og juletida for Tennfjord, Slyngstad, Eidsvik og Vatne allereie fredag 21.11 kl 1800 ved antennemasta nedanfor Mulen. Mulig at lyset er synleg også vidare rundt. Dette er gjort slik for at det skal lyse under Jubileumsfesten dagen etter. Elles ville nok 1. søndag i advent vere mest naturleg for tenning. Folk er oppmoda om å gå mann av huse med hovudlykter så det kan bli litt av eit syn!

Arnt Inge Gjerde og William Eidsvik har vore pådrivarar og jobba så sveitten dreiv for den. Det er Trimgruppa si jubileumsgåve til idrettslaget og bygdefolket.
Søk også etter Julelys på Ravnfloget! på Facebook.

JUBILEUMSFEST. Laurdag 22.11. kl 1800-2100 er det Jubileumsfest og sal av boka i Eidet kulturhall. Randulf Bakken skal vere festleiar. Vi har fått påmelding frå ca 150 personar. Vi har fått påmelding frå fleire av dei som spelte for Ravn på 1950-talet, mellom anna over halve laget som pryda framsida av Jubileumsboka etter sigeren 4-0 over Brattvåg våren 1957. Også mange av dei som spelte på laget under baneopninga i i 1965 kjem.

IDRETTENS DAG Etter CUPFINALEN Søndag 23.11. Mellom kl 1600-1900 prøver vi oss med noko heilt nytt.

I tillegg til å presentere idrettslaget, ha kiosk og boksal og ha ein tradisjonell avslutning med utdeling av statuettar til alle aktive, vil Jubileumskomiteen prøve å presentere nye aktivitetar som ikkje har rotfeste her, men som kanskje kan vere kjekt å prøve likevel? Det vil bli videoar av ulike aktivitetar som ikkje blir presentert konkret og fysisk.

Hittil er det desse som er «påmeldt»/gitt positivt svar om deltaking:

Friidrett => har bekrefta deltaking
Golf => har bekrefta deltaking
Badminton => har bekrefta deltaking
Ålesund Seilforening => har bekrefta deltaking (Optimistjolle ++)
Vestnes Bueskyting => har bekrefta deltaking
Møre og Romsdal Idrettskrets => har bekrefta deltaking
Skodje trialklubb => UTE

Eit artig eksperiment som vi voner publikum vil setje pris på.

Velkomen til oss i helga!

Trenerteamet for alaget er klart

18 november 2014
Skrevet av:

Seniorlag herre vil i 2015 bli trena av Jan Even Hatlehol og Rolf Hansen.
Laget har alt hatt si første trening.
Jan Even er velkjent i Ravn og treng vel ingen nærmare presentasjon.
Rolf Hansen kjenner vi som ein fotballengasjert journalist i Nordre.
Han trena i haust Brattvåg sitt damelag, og har tidlegare blant anna trena Ellingsøy sitt herrelag.
På junior/gutesida er det ikkje heilt klarlagt korleis det blir enno. Mange av spelerane er ønska av
både Brattvåg, Norborg og Aafk (og sikkert fleire). Det er og diskusjonar på gang om samarbeidslag.
For senior damer er det heller ikkje heilt avklart korleis det vert med laget.
Jentelaget (J16) vil også i 2015 stille med 11ar-lag, som vil bli trena av Øystein Grytten og Alf Røren.
Småjentelaget (J14) har og ei stor spelargruppa, og her har vi fått signal om at Erlend Fjørtoft og Torbjørn Hove
vil fortsette den gode jobben dei har gjort med jentene.

Damelaget med bronse i Dahle Cup 2014

10 november 2014
Skrevet av:

Dahle Cup 2014:
Ravn: Camilla Vatne, Birgitte Hånes, Ingeborg Førdestrøm, Andrea Noem, Ingrid Åsemyr, Emilie Slyngstad Kalvatn, Amanda Tenfjord og Fride Lianes (J16). (Kun Ravnjenter.)
Etter seier i ein høgdramatisk bronsefinale vart det 3. plass til Damelaget på Dahle Cup i år. Eigentlig vart vi nr. 2, sidan 2.divisjonslaget CFK tok dei to første plassane. Dei var det suverent beste laget.
Det er det beste resultatet vi har oppnådd gjennom 7 år på rad på denne cupen. Andrea Noem og Ingrid Åsemyr har vore med alle åra.
Dahle Cup er ein futsalcup med 7er-mål, og ein meget spesiell “sudden death” tradisjon. Ved uavgjort ved full tid, i sluttspelet, tek ein ut ein spelar pr. minutt til ein står igjen med keeper + ein utespelar, eller scoring sjølvsagt.
I vår “sudden death” i bronsefinalen gjekk den til 2 utespelarar + keeper, før “veslejenta” vår, Fride Lianes (15 år) satte ballen i mål, og vi kunne sleppe jubelen laus for alvor.
Cupen har relativt høgt nivå, og laga er mest frå 3.div. og 2. div. I innleiande kampar slo Ravn blandt anna 2. div-laget Treff to gangar.
I bronsefinalen traff vi også Fjørtoftjenta Marianne Otterlei, som spelar for Malmefjorden. Den gode Marianne skada seg dessverre, og klarte ikkje å fullføre kampen. Håpar det går bra med henne.

Jentene våre er eit godt eksempel på at ein må trivast for å prestere. Sosiale så det held, og konsentrerte når det er tid for det. Dei er ein herlig gjeng å reise på tur med. Det kan ikkje beskrivast, det må faktisk opplevast.

Damelaget har hatt ein god sesong, der spesielt hausten har vore til dels glimrande.
Vil nytte sjansen til å takke J16, med Øystein G. i spissen, for uvurderlig hjelp, både på trening og i kamp. Utan dei hadde vi nok vore historie allereie.
Vil også rette ei stooooor takk til “supersupporterane” våre, Greta og Konstantin, for uforbeholden støtte. Dei reiser rundt med bobilen sin under mottoet “Ravn er best uansett resultat”. Det er berre HERLIG. I helga hadde dei også med seg ein bamse i full ravndrakt, så då auka dei supporterantalet med 50 % . Som eg brukar å seie: “Treng ikkje mange supporterar når kvaliteten er på dette nivået”.

Takkar jentene for nok ein kjekk sesong, så får vi sjå kva vi får til til neste år

Helsing to meget fornøgde sjefar;

Håvard Noem og Per Åsemyr.

Strålande sesongavslutning av G16

31 oktober 2014
Skrevet av:

I sesongens siste kamp vart Herd slått 4-1 borte. I kampen før det vart gode Hødd sett på plass med 5-1 heime og i kampen
før det slo laget Rollon 3-1. Det harde og gode treningsarbeidet denne gruppa har gjennomført under Jan Petter Hagens
kyndige leiing, har nok vore heilt avgjerande for at ein presterer ein slik innspurt på tampen av ein lang sesong.
G16 enda dermed på ein sterk 3. plass i 1. div bak Aafk og Hødd. At 3. plassen er
meget fortjent er det ikkje tvil om, laget har slått både Hødd og Aafk i år. Og kampane som er tapt mot desse har vore svært
jamne. Laget har også sendt vidare gode spelarar til blant anna Aafk denne sesongen, og likevel fortsett å levere på
topp nivå. Det er knallsterkt. Spelarane vart også kretsmesterar i den noko svakare 7ar-serien, og er mellom dei som skal gjerast stas på
under laurdagens kamp mellom Aafk og VIF på Color Line stadion. Vi gratulerer spelarar, trenar og foreldre med ein fantastisk sesong!

Hovedsponsor

Sparebanken Møre

Sponsor 2017

Litt om IL Ravn

På ditt klubbhus på nett kan du orientere deg i eit aktivt idrettslag. Stoff til sidene (referat, artikler, bilder etc) kan sendes på epost til:
admin@il-ravn.no

Kommentarer

Arkiv