IL Ravn Arkiv

J16 vann si avdeling

04 juni 2015
Skrevet av:

Blindheim-Ravn 2-5 (1-3).
Mål: Fride 2, Adela, Sonja, Mari.
Bra kamp i går mellom to gode lag der det vart spelt mykje god fotball. Vi opnar fint, held ballen i laget når vi har sjans til det og leverer mykje bra dei første minutta av kampen. Men litt mot spelets gang er det Blindheim som tek leiinga ved Kristine Ødegård etter ca 10 minutt på ein godt slått corner. Keeper Anne landar forkjært og får seg ein skikkeleg smell i sida i denne situasjonen. Les meir »

J16 til 1. divisjon

01 juni 2015
Skrevet av:

Bergsøy-Ravn 0-6 (0-2). Mål: Sonja 2, Adela, Mari, Mariell, Henriette.

Med dette resultatet sikra J16 seg ein av dei 3 plassane i avdelinga som gir spel i 1. divisjon til hausten. Vi stilte utan kaptein Fride denne kampen. Sigeren var på ingen måte truga, men det var likevel noko sløvt over Ravnlaget i 1. omgang. Dagens bursdagsbarn Sonja skåra det første på direkte gjennomspel frå keeper Anne. Adela skåra mål nr 2 etter å ha dribla av ein 2-3 Bergsøyspelarar og set ballen fint i lengste hjørne. Flott skåring. Dette var stort sett behaldninga i 1. omgang. Elles fekk vi sjå mykje svakt spel, rot, tull og tøys fra Ravnjentene i 1. omgang. Til tross for 2-0 leiing til pause var vi ikkje særleg fornøgde. Ei lita skyllebøtte i pausa såg ut til å gjere susen. Ravnlaget heva spelet i 2. omgang, og leverte mykje betre enn i 1. omgang. Innsatsen var der den skulle, pasningar og bevegelse var langt betre og vi skapte mykje sjansar. Sonja skåra på eit gjennomspel frå Adela, Mari skåra etter ei fin dribling og skudd/lobb over keeper. Mariell får ein lett jobb med å sette inn mål nr 5. Dette var eit flott mål der ein veggspelte seg gjennom Bergsøy si midtbane og forsvar på nydelig vis. Henriette fekk æra av å sette inn kampens siste mål på ein retur rett før slutt.IMG_2178

Viktig siger for J16

28 mai 2015
Skrevet av:

J16 Ravn-Langevåg 6-0 (3-0).

Mål: Sonja 2, Fride 2, Emma G, Tuva.

Ravnjentene sikra seg med dette resultatet i praksis retten til spel i haustens 1. divisjon. Sonja skåra det første på utsøkt vis etter 12 minutt då ho kjem igjennom, tek seg tid og plasserer ballen fint tilside for keeper frå ca 16 meter. Noko seinare er Emma G på plass og set enkelt inn 2-0 på opent mål etter at keeper må gi retur på eit skudd. Rett før pause fossar Fride fram på sida, skjer inn og fyrer av, keeper reddar men må gi retur og den set Fride inn. Dermed 3-0 og komfortabel leiing til pause. I 2. omgang fortset vi på same viset. Eine bildet viser Fride som har passert Langevågforsvaret, fyrer av, ballen går stang-stang, ligg igjen på strek og Sonja får ein lett jobb med å gjere 4-0. Litt seinare får Tuva draumetreff fra langt hold ute på venstresida, ballen går i ein fin bue over keeper til 5-0. Fride kjem nok ein gong igjennom og bankar inn sluttresultatet til 6-0. Greit gjennomført kamp. 3 kampar gjenstår av vårsesongen, to gongar mot Bergsøy og ein mot Blindheim.
IMG_2168 IMG_2167

J16 tapte mot Byåsen

27 mai 2015
Skrevet av:

J16 NM Ravn-Byåsen 0-2 (0-1).

Ca 160 tilskuarar hadde tatt turen for å få med seg denne godbiten av ein fotballkamp. Nokså uvanleg med so mykje folk på ein J16-kamp, men veldig kjekt. Ravn hadde laga ei fin ramme rundt kampen, og dette var stor stas for jentene. Kampen var tett og spanande heile vegen. At Byåsen var eit godt lag visste vi. og det fekk vi også sjå. Men Ravnjentene stod veldig godt opp, innsatsen var herleg og vi fekk vist fram mykje av det som bor i laget. Byåsen sitt mål i 1. omgang kjem etter eit skudd/innlegg frå sidelinja, der Byåsen får kjempetreff og ballen dalar utagbart ned i lengste hjørnet til keeper. I pausa har vi god tru på at vi skal snu dette.

Starten på 2. omgang er verst tenkjeleg for oss. Byåsen får eit unødvendig mål alt etter minuttet. Der står vi for mykje på hælane og ser på. Vi får våre sjansar utover i 2. omgangen, men lykkast ikkje i å skåre. Blant anna blir Fride meia overende i feltet utan at det blir blåst straffe, noko vi var sterkt uenige i…Kampen sett under ett er det greit at Byåsen vann, men forskjellen var ikkje stor. Det var først og fremst i duellspelet Byåsen var hakket tøffare. Det var eit litt meir fysisk lag, som til dagleg spelar i ein tøffare serie enn det vi gjer. Likevel, all honnør til våre jenter som gjorde ein fin kamp. Alle spelarane gjorde ein kjempejobb og spelte opp mot sitt beste, og då må ein berre akseptere at det ikkje haldt heilt denne gong. Men vi er stolte av innsatsen dei la ned. Byåsentrenarane var sjølsagt godt fornøgde med sitt lag, og meinte dei hadde levert veldig bra. Vi fekk også skryt for ein flott motagelse og eit flott arrangement. Så bra jobba alle Ravningar som ordna dette!

NB! Ny kamp i dag for J16. Kl 18:30 på Ravn Stadion mot Langevåg.

Idrettens dag i Gjersetdalen villmarksområde

25 mai 2015
Skrevet av:

 

Haram Idrettsråd inviterer til Idrettens dag i Gjersetdalen Villmarksområde laurdag 6. juni mellom kl 1100-1500.

Invitasjonen om Idrettens dag midt i det geografiske hjartet av kommunen har gått ut til alle styremedlemmer, tillitsvalde og andre interesserte i dei 14 idrettslaga i kommunen. I tillegg er ordførar og kommunestyre, tilsette i kommuneadministrasjonen og Frivilligsentralen invitert.

Dei 14 idrettslaga i kommunen har til saman over 2.800 aktive i ein kommune på dryge 9000 innbyggarar.

Matnyttig

Programmet blir både formelt og uformelt. Ole Martin Korsbrekke i Sp.kl. Herd skal snakke om tryggleiksreglementet i klubben. Reidar Vågnes skal snakke om idretten i eit samfunnsøkonomisk perspektiv der den islandske modellen for samarbeid idrett og samfunn står i fokus. Samarbeid mellom idretten og kommunen står også på dagsordenen til Mikal Skodjereite, som er styremedlem i Møre og Romsdal Idrettskrets.

Det er valår og politikarane er inviterte for å kunne møte idrettens folk i Haram og høyre kva som ligg dei på hjartet.   Idretten i Haram har bygt eller planlegg idrettsanlegg for om lag 100 millionar kroner og kommunen har vore ein svært god samarbeidspartnar.

Familievennleg

Det er greitt å kome seg til Gjersetdalen Villmarksområde både frå Gjerset på Grytestranda og Synnalandsvatnet på Brattvågsida. Det er omlag 45 minutt å gå frå begge sider. Parkering ved demninga i Synnalandsdalen og på Gjerset. Dei som med køyreløyve for handikappa kan køyre helt inn.

–       – Det blir mulighet for å grille laurdagsmiddagen medan drikke blir spandert av Idrettsrådet. Av ulike omsyn må vi ha bindande påmelding innan 31. mai, seier leiar Norvald Lausund i Haram Idrettråd.

Ravnjentene gjekk på ein smell!

21 mai 2015
Skrevet av:

J16 Hødd-Ravn 4-0 (0-0).

Det vart ein tung kveld på nye Høddvoll for eit sigersvant og uinspirert Ravnlag i går. Heimelaget var først og fremst best på innsats, og i går var det nok til å påføre Ravnjentene årets første tap. Etter 9 sigrar og ein uavgjort på årets 10 første kampar, vart vi i går sett på plass av eit Høddlag som flytta føtene fortare, lengre og klokare enn det vi gjorde. For to ukar sidan slo vi akkurat samme laget 8-1. Om ikkje innstillinga er rett, så kan slike ting skje. Dette er jo på ein måte litt av sjarmen med fotball og, men kjedeleg å oppleve sjølv. 1. omgangang var jamnspelt utan dei heilt store sjansane til nokon av laga. I 2. omgang åpna vi tafatt. Etter kvarteret lagar vi straffe, som Hødd skårar på. Det neste kvarteret er vi klart best, spelerane innser at det må jobbast hardt. Vi kjem til mange sjansar i denne perioda, nokre store, men greier ikkje å skåre. I staden aukar Hødd til 2-0 når vi står høgt for å få ei utlikning. Då er det 10 minutt igjen. Etter det er det fjøre sjø, for å bruke eit velkjent uttrykk, og Hødd gjer enkelt 3-0 og 4-0 dei siste minutta.
IMG_2153

J16 slo Hødd

11 mai 2015
Skrevet av:

Ravn-Hødd 8-1 (3-0). Mål: Adela 2, Sonja 2, Fride 2, Mariell, Ingrid.

Ravn hadde torsdag besøk av Hødd. Ravnjentene viste mykje bra spel, og var i tillegg i det effektive hjørnet denne kvelden. Derfor vart det mange mål, og nokre av dei av det vakre slaget. Med 3 mål det første kvarteret vart kampen aldri spanande. Ravn har med dette kome fint i gang i si avdeling med 3 sigrar av 3 mulige. Dette betyr nok at laget blir å finne i haustens 1. divisjon, og vi kan sjå fram mot ein spanande haustsesong. Det skal fortsatt spelast 5 kampar til i vår, men å bli blandt dei 3 beste i ei avdeling med 5 lag, det kan nok ikkje dette laget unngå å greie. Bank i bordet…

J16 møter Byåsen i NM.

05 mai 2015
Skrevet av:

Det vart i går klart at Byåsen blir motstandar i neste NM-kamp for Ravn sitt J16-lag. Kampen blir spelt på Ravn Stadion mandag 25.05.2015 (2. pinsedag). Vi møter dermed eit lag med høgt nivå, og gler oss til denne utfordringa. Vi håpar sjølsagt at mykje publikum tek turen til stadion og støttar laget denne dagen.

Ravnjentene vidare i NM!

01 mai 2015
Skrevet av:

IMG_2153J16 NM regional runde: Træff-Ravn 0-3 (0-2).

Mål: Adela, Mari og Sonja.

Solid gjennomført kamp av Ravn sitt J16 lag under torsdagens NM-kamp borte mot Træff. Adela skåra etter 3 minutt og Mari etter 22. Etter det vart det mykje stillingskrig med sjansar til begge lag. Sonja punkterte kampen rett før slutt med si 3-0 skåring. Dermed komfortabelt vidare til neste runde i NM som då truleg blir mot eit av dei 3 gjenverandes laga frå Trøndelag. Men det kan og bli mot Herd eller Molde som er dei to andre laga som gjekk vidare frå Møre og Romsdal. Sjansen til heimekamp på Ravn Stadion er absolutt til stades ettersom vi hadde bortekamp no. Men då må vi nok belage oss på ein heilt anna motstand enn det vi fekk i går, sjøl om Træff hadde mange gode enkeltspelarar var dei ikkje like jamne som oss. Samtidig jobba vi hardt og la ned mange km, dermed vart vi vanskelege å ha med å gjere. Flott jobba jenter!

Garderobe informasjon.

30 april 2015
Skrevet av:

IL Ravn har endelig fått på plass nye dører etter innbruddet.

Det jobbes med en ny løsning vedr. nøkler og alarm, vi ber om forståelse for den midlertidige løsningen m.t.p garderober frem til den nye ordningen er på plass!

Midlertidig løsning blir slik:

ÅPNINGSTIDER FOR GARDEROBER.

Man. – Fre.:  17.00 – 21.30.

Lør. – Søn. og helligdager:  Stengt.
(Ved behov hentes nøkkel hos May Britt, 417 49 032).

Kiosknøkkel fåes av Anne-Marte., 408 50 800

Hovedsponsor

Sparebanken Møre

Sponsor 2017

Litt om IL Ravn

På ditt klubbhus på nett kan du orientere deg i eit aktivt idrettslag. Stoff til sidene (referat, artikler, bilder etc) kan sendes på epost til:
admin@il-ravn.no

Kommentarer

Arkiv