Sterk juniorseier 4-3 mot Stranda

03 juni 2011
Skrevet av:

Ravnjuniorane viste årsbeste både i spel og innsats, og etter ein svært spennande kamp var det stor jubel då dommar Odd Grande bles av tirsdagens heimekamp og Ravn gjekk av banen med 4-3 mot favoritten Stranda.
Gjestane åpna best og tok leiinga etter eit kvarter, men ei nydeleg bakromspasning til Joachim Hove Sørvik vart kontant ekspedert i mål til 1-1 med eit hardt og velplassert skot.
Stranda var førande spelemessig i omgangen og gjekk opp i 1-2.
Utlikninga til Stian V. Stokke var eit innsatsmål som var typisk for Ravn denne kampen: på ein corner steig han til vers på bakerste stolpe, heada knallhardt, keeper gav retur, og Stian følgde på og dundra ballen i mål.
Men Stranda svarte med ny leiing og 2-3 ved pause. Dei spelte seg litt for lett igjennom Ravnforsvaret.

Ein lett medvind hjelpte nok Ravn i 2.omgang til eit visst speleovertak, men først og fremst var det ein framifrå laginnsats som var grunnlaget. Stopparane Tommy og Michal snørte igjen sekken og Stranda kom ikkje gjennom i midten.
Ein hardtarbeidande Harald Fagervoll utlikna tidleg då han sette ein keeperretur i mål, og få minutt etter kom 4-3. Det var igjen Stian som var på farten, forserte og sende eit hardt skot i hjørnet frå 20 meter.
Ravn hadde bra kontroll på kampen, jobba sterkt i alle lagdelar og nekta Stranda sjansar. I sluttminutta fekk dei (utanom eit korrekt annulert offsidemål) nokre frispark i farleg situasjon, og då var luftstyrken til Stian, Even og Michal god å ha. Og keeper Martin var som vanleg solid i feltatbeidet.
«Ikkje alle nemnt – men ingen glemt» – dette var ein ein ypperleg laginnsats av heile troppen, som telte kun 12 mann. Men det var nok!

Legg igjen en kommentar

Din e-postadresse vil ikke bli publisert. Obligatoriske felt er merket med *

Hovedsponsor

Sparebanken Møre

Sponsor 2017

Litt om IL Ravn

På ditt klubbhus på nett kan du orientere deg i eit aktivt idrettslag. Stoff til sidene (referat, artikler, bilder etc) kan sendes på epost til:
admin@il-ravn.no

Kommentarer

Arkiv